مانيش لاباس<br />ڤوالة<br />أنا في حبّك مجنون .... لِي دار يڤطّع في ثُوبة<br />أنا في حبّك مسجون ... اللِّي حرِّيتَه مسلوبة<br />حبّك خدّرني تخدير ... ووما باتش توفى الغيبُوبة<br />عايش في حبّك سكران .... ونْشوف في الدِّنيا مڤلوبة<br />جرالي في حبِّك كي الكافر ... لِي مات وفاتتَّه التُّوبة<br />أنا عشڤتك عشڤ المومن ... وإنت للّة أوِّل ذنوبة<br />____________<br />رآآآني ـ في حالة حليلة ...... رآآآني ـ شبت وراسي كليلة<br />شنحوالك ـ مانيش لاباس ... شنحوالك ـ من بنت النّاس<br />شنحوالك ـ ماعندي حيلة ... حال الكرموس في العديلة<br />ــــــــــــــــــــــــــــــــ<br />رآآآني ... جافل .. كافل ......... عالرُّوحي بيباني ڤافل<br />مسكّر بابِي كابِي خابِي ...... تڤول علي خايف م الرّافل<br />ڤلبي حبْ طبْ وشبْ ....... للخلى وڤدى لفتيلة<br />رآآآني ... خايفْ .. نايفْ .......... لا ماكل لا شارب عايف<br />عڤلي خفْ تلفْ سرفْ ..... باڤي قلبي عليها رايف<br />حرنْ وحنْ سكنْ وكنْ ........ زيد بايعني شيلة بيلة<br />ـــــــــــــــــــــــــــــــــ<br />رآآآني ... حاير .. داير .............. في جرّت ڤلبي نتعاير<br />نمشي هامة جهامة صمامة ... ترنكُوش ومانيشي باير<br />عودي نحلْ ذبلْ تسلْ .......... بالڤدرة وعايش بالحيلة<br />رآآآني ... هايم ..لايم ......... عالرُّوحي في النّاشح عايم<br />طُبتْ نحبتْ ذبتْ شربتْ .. بلا رمضان أنايا صايم<br />وهاني إنّامْ منامْ ڤيامْ ....... وسميّة مڤيِّل تعسيلة<br />ـــــــــــــــــــــــــــــــــ كلمات وألحان وغناء مصطفى الدّلاّجي<br />ادارة الاعمال __ pour les reservations mustapha dellagi<br />خو العروسة 98249782 _ 53782249<br />للحفلات الخاصة والمهرجانات في تونس وفي خارج تونس <br />Pour des soirées privées et les festivals en Tunisie et en dehors de la Tunisie<br />For private parties and festivals in Tunisia and outside Tunisia
